Кишвари мо роҳи эъмори ҷомеаи ҳуқуқбунёдро интихоб намудааст, ки яке аз ғояҳои асосии он таъмини волоияти қонун ва ҳифзи ҳуқуқу озодиҳои инсон ва шаҳрванд мебошад.

Эмомалӣ Раҳмон

Корҳои фаҳмондадиҳӣ бо усули хона ба хона

23.12.2020

КОРҲОИ ФАҲМОНДАДИҲӢ БО УСУЛИ ХОНА БА ХОНА ҶИҲАТИ ИСТИФОДАИ САРФАКОРОНАВУ ОҚИЛОНАИ НЕРӮИ БАРҚ ВА ПАРДОХТИ САРИВАҚТИИ МАБЛАҒҲОИ ОН ДАР НОҲИЯИ ХУРОСОН

 

 

Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, ки санаи 15-уми декабри соли ҷорӣ дар машварати корӣ иброз доштанд, аксияи таблиғотӣ таҳти унвони “Сарфаи қувваи барқ – буҷаи оиларо ғанӣ мегардонад” роҳандозӣ карда шуд.

Дар рафти баргузории аксияи мазкур ба истиқоматкунандагони ҷамоати деҳоти Ҳилолӣ, деҳаҳои Гулрез, Ҳилолӣ, Пахтаобод ва Сабзазори ноҳияи Хуросон муроҷиатномаи Ҳукумати Ҷумҳурии Тоҷикистон ҷиҳати истифодаи сарфакоронаву оқилонаи нерӯи барқ ва пардохти саривақтии маблағҳои он дастрас карда шуд.

 

 

Ҳамзамон, аз ҷониби масъулин масъалаҳои истифодаи самараноки заминҳои наздиҳавлигию президентӣ, вусъат додани корҳои ободонию созандагӣ бахшида ба истиқболи ҷашни 30 – солагии Истиқлолияти давлатии Ҷумҳурии Тоҷикистон ва пешгирии паҳншавии бемории сироятии COVID-19 фаҳмонида шуд.

 

Илова кунед: