Кишвари мо роҳи эъмори ҷомеаи ҳуқуқбунёдро интихоб намудааст, ки яке аз ғояҳои асосии он таъмини волоияти қонун ва ҳифзи ҳуқуқу озодиҳои инсон ва шаҳрванд мебошад.

Эмомалӣ Раҳмон

Ҳамкории байналмилалӣ

Вазорати адлияи Ҷумҳурии Тоҷикистон то ба имрӮз бо 10 мақомоти адлияи давлатҳои хориҷӣ (Беларус, Қазоқистон, Қатар, Озарбойҷон, Россия, Туркманистон, Туркия ва Ӯзбекистон) созишнома дар бораи ҳамкорӣ ба имзо расонидааст. Аз ҷумла:

- Созишнома байни Вазорати адлияи Ҷумҳурии Тоҷикистон ва Вазорати адлияи Ҷумҳурии Ӯзбекистон дар бораи ҳамкорӣ дар соҳаи санҷиши судӣ (25 июни соли 2000, шаҳри Душанбе);

- Созишнома байни Вазорати адлияи Ҷумҳурии Тоҷикистон ва Вазорати адлияи Ҷумҳурии Қазоқистон дар бораи ҳамкорӣ (22 феврали соли 2001, шаҳри Душанбе);

- Созишнома дар бораи ҳамкорӣ миёни Вазорати адлияи Ҷумҳурии Тоҷикистон ва Вазорати адлияи Федератсияи Россия (5 декабри  соли 2003, ш.Москва);

- Созишнома байни Вазорати адлияи Ҷумҳурии Тоҷикистон ва Вазорати адлияи Ҷумҳурии Озарбойҷон дар бораи ҳамкорӣ (13 августи соли 2007, шаҳри Боку);

- Созишнома байни Вазорати адлияи Ҷумҳурии Тоҷикистон ва Вазорати адалати Туркменистон дар бораи ҳамкорӣ (18 марти соли 2010, шаҳри Душанбе);

- Созишнома байни Вазорати адлияи Ҷумҳурии Тоҷикистон ва Вазорати адлияи Ҷумҳурии Беларус дар бораи ҳамкорӣ (21 ноябри соли  2012, шаҳри Минск);

- Эъломияи муштарак оид ба ҳамкорӣ байни Вазорати адлияи Ҷумҳурии Тоҷикистон ва Вазорати адлияи Ҷумҳурии Туркия (18 декабри соли 2012, шаҳри Анкара);

- Созишнома байни Вазорати адлияи Ҷумҳурии Тоҷикистон ва Вазорати адлияи Давлати Қатар оид ба ҳамкорӣ дар соҳаи ҳуқуқ (6 декабри соли 2017, шаҳри Доха);

- Созишнома байни Вазорати адлияи Ҷумҳурии Тоҷикистон ва Кумитаи давлатии экспертизаи судии Ҷумҳурии Беларус оид ба ҳамкорӣ дар соҳаи фаъолияти экспертизаи судӣ (15 майи соли 2018, шаҳри Душанбе);

- Созишнома дар бораи ҳамкорӣ байни Вазорати адлияи Ҷумҳурии Тоҷикистон ва Вазорати адлияи Ҷумҳурии Ӯзбекистон (17 августи соли 2018, шаҳри Тошканд).

Ҳамчунин Вазорат ҳамкориҳоро бо давлатҳои иштирокчии ИДМ дар доираи Конвенсия  оид ба ёрии ҳуқуқӣ ва муносибатҳои ҳуқуқӣ оид ба парвандаҳои гражданӣ, оилавӣ ва ҷиноятӣ аз 22 январи соли 1993, Конвенсия  оид ба ёрии ҳуқуқӣ ва муносибатҳои ҳуқуқӣ оид ба парвандаҳои гражданӣ, оилавӣ ва ҷиноятӣ аз 7 октябри соли 2002 ва бо Ҷумҳурии Туркия дар доираи Созишномаи ҳамкориҳои ҳуқуқӣ дар соҳаи масъалаҳои шаҳрвандӣ, тиҷоратӣ ва ҷиноятӣ дар сатҳи дахлдор ба роҳ мондааст.

Илова кунед: